عايزين تتكلموا فى إيه؟
بسم الله الرحمن الرحيم،
كام سؤال بسيط أرجو إنكم تجاوبونى عليهم،
إيه شاغل بالك -منك له - اليومين دول؟
إيه اللى إنت شايفه مشكلة،،،ومحدش إتناقش فيها قبل كده؟ أو إتناقشتم و محدش قدر يقنعك أو يفهمك؟
حاجات بيقولو عليها عيب،،، حرام،،،، أى حاجة
إنت هنا فى مدونة تحت الحزام
وكما قلت فى أول إنشائى للمدونة،
أنه لا خطوط حمراء فى النقاش فى كل مواضيع المدونة،، بشرط أن يكون النقاش محترم
أى أن الزعل مرفوض تماما،
من غير قلة أدب أو طولة لسان،
نقاش هادف ناحية أفضل الحلول - من وجهة نظر كل واحد فينا -.
اللى عايز يناقش أى قضية أو أى رأى، مهما كان رأيه متطرف أوغريب،
يرد على البوست ده،
و يقول الموضوع أو الرأى اللى عايز يناقشه، و أنا هعمل ما فى وسعى لفتح باب النقاش فيه.
أتمنى إنكم ما تبخلوش عليا بردودكم
دايما منورين، فى مدونة
تحت الحزام
د.علاء زكى.
مرسلة بواسطة Mended_Heart @ 2:03 ص
4 تعليقات
4 تعليقات:
في موضوعات كتيرة شاغلة بالي..بس من فترة وأنا بحاول اكتب عن (يوتوبيا المصرية) وبحاول اتخيلها...افلاطون كان واحد زيي بالظبط واخترع اليوتوبيا اللي بعتبرها من وجهة نظري بلا مميزات حقيقية لان سلبياتها كتيرة اوي...و بسال نفسي كتير...ليه الناس كلها بتقول ان المدينة الفاضلة دي شيء خيالي و استحالة تحقيقه..
دة موضوع غريب شوية وهوة كان الموضوع اللي هبدأ فيه بس منتظرة أعرف بيثير تساؤلات حد غيري ولا لأ :)
تاموضوع التاني هو (تعددالزوجات) ودة هيطول الكلام عنّه لأني مش عاوزة اتعرض أوي للنقاش فيه انه يكون نقاش ديني فقط لكن نفسي ننظر اليه من وجهة نظر اجتماعية ونناقشه بحرّية وصراحة
لو حبيت ابدأ ابتدي بانهي موضوع مش عارفة :)
رأيك يا د. علاء
إزيك يا إسراء،
منورة المدونة كالعادة،
"يوتوبيا المصرية"
موضوع هام جدا, ومشوق، لكن أنا مش هاقدر أفهم قصدك، إلا لما أعرف إيجابياتها و سلبياتها من وجهة نظرك.
بالطبع موضوع جديد، و أحب أسمع رأيك فيه.
"تعدد الزوجات"
و كأنك كنتى معايا إمبارح و أنا بأكتب مقالة فى هذا الموضوع!!!!
خدتيها من على لسانى،
لكن يا عزيزتى، النقاش فى الموضوع ده لازم يدخل فيه جزئية دينية، لأن أساسا"تعدد الزوجات" تشريع إلاهى لتقنين العلاقات الزوجية، هو بالطبع ليه العديد من التأثيرات الإجتماعية، لكن لا يمكن - فى وجهة نظرى - التعرض للموضوع دون التعرض لوجهة النظر الدينية، - كمثقفين و ليس علماء-.
********
شوفى الموضوع اللى بيحرك تفكيرك أكتر، و فاهماه أكتر، و تقدرى تعبرى عنه، و إتكلمى عنه.
بصراحة الموضوعين أجمل من بعض،
إختارى و أنا بإنتظارك
طيب خلاص خلّينا في موضوع تعدد الزوجات الاول...أنا هحاول اعرض المدوّنة اكتر عالفيسبوك ان شاء الله عشان نشوف اراء ناس اكتر :)
بإنتظار الموضوع الجامد ده
على أحر من الجمر
إبكو معنا
إرسال تعليق
الاشتراك في تعليقات الرسالة [Atom]
<< الصفحة الرئيسية